CENTER CIRCLE-ലെ സിമെന്റ്റ് കുളത്തിന് നടുവില്‍ നക്ഷത്രങ്ങള്‍ മിന്നാതിരുന്നൊരു രാത്രിയില്‍ വാനിലെ സ്വര്‍ഗങ്ങളില്‍ നിന്നും നിഷ്കാസനം ചെയ്യപ്പെട്ട ഒരു മാലാഖ കുഞ്ഞു പറന്നിറങ്ങി. എന്നും എവിടെ നിന്നും നിഷ്കാസനം ചെയ്യപ്പെടുന്നവര്‍ക്കും അവസാനത്തെ അത്താണി ആണല്ലോ മഹാരാജാസ്.. മഹാരാജാസിന് മാത്രമായി ഒരു പഴംചൊല്ലുണ്ട്, എവിടെ നിന്നും തിരസ്കരിക്കപ്പെടുന്നവന് സമര മരത്തിന്റെ ചുവടു തണല്‍ നല്‍കുമെന്ന്. മഞ്ഞത്തും മഴയത്തും ഇരവിലും പകലിലും സന്തോഷത്തിനും സന്താപത്തിനും സാക്ഷിയായി മാലാഖ കുഞ്ഞു വര്‍ഷങ്ങളായി വിടര്‍ന്ന ചിറകുകളും പേറി സിമെന്റ്റ് കുളത്തിന് നടുവില്‍ തന്നെ നില്‍ക്കുന്നു. എന്നെങ്കിലും ശാപമോക്ഷം ലഭിക്കുമ്പോള്‍ മാലാഖ കുഞ്ഞിനെ നക്ഷത്രകൂടാരത്തിലേക് മടക്കി കൊണ്ടുപോകാന്‍ വിണ്ണില്‍ നിന്നും ദൂതന്മാര്‍ വന്നേക്കാം.. പക്ഷെ മഹാരാജാസുകാരന്റെ ഹൃദയത്തില്‍ നിന്നും പറന്നു മറയാന്‍ മാലാഖകുഞ്ഞിനു ഒരിക്കലുമാകില്ല..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ