ഒന്നേ ഒന്ന് നമുക്ക് ലക്ഷ്യം

2010, ഡിസംബർ 31, വെള്ളിയാഴ്‌ച

മലയാള സിനിമ - 2010



നമ്മുടെ സ്വന്തം മോളിവുഡ് -ന്റെ പിന്നിടുന്ന വര്‍ഷത്തെ പ്രധാന സംഭവങ്ങളുമായി ഒരു പോസ്റ്റ്‌ മോര്‍ട്ടം റിപ്പോര്‍ട്. വലുതും ചെറുതുമായി എണ്‍പത്തി അഞ്ചോളം മലയാള ചിത്രങ്ങളാണ് പ്രേക്ഷകരെ തേടി പ്രദര്‍ശന ശാലകളില്‍ എത്തിയത്. ഇതില്‍ കേവലം പതിനാലു ചിത്രങ്ങള്‍ മാത്രമേ റിലീസിംഗ് തിയെറ്ററുകളില്‍  നിന്നും മുടക്കുമുതല്‍ തിരിച്ചു പിടിച്ചിട്ടുള്ളൂ എന്ന് ഔദ്യോഗിക റിപ്പോര്‍ട്ടുകള്‍ സൂചിപ്പിക്കുന്നു. മമ്മൂട്ടിയും മോഹന്‍ലാലും തന്നെ എതിരാളികളെ ബഹുദൂരം അകലെ നിര്‍ത്തി, ഇപ്പോഴും അടക്കിവച്ചിരിക്കുന്ന ഈ ലോകത്തില്‍ മുപ്പതിലധികം പുതുമുഖ സംവിധായകരും, കുറച്ചു പുതിയ താരങ്ങളും ഭാഗ്യാന്യേഷകരായി എത്തി. അതില്‍ കുറച്ചുപേര്‍ വിജയം കണ്ടു എന്നത് പ്രതീക്ഷ നല്‍കുന്നു. നമുക്ക് ആദ്യം സൂപ്പര്‍ താര ചിത്രങ്ങളുടെ പ്രകടനം എങ്ങനെ ആയിരുന്നു എന്ന് നോക്കാം.


മോഹന്‍ലാല്‍ .
മലയാളത്തിന്റെ ഈ താര രാജാവിന് അഞ്ചു ചിത്രങ്ങളാണ് ഉണ്ടായിരുന്നത്. ശിക്കാര്‍ , ഒരു നാള്‍ വരും, ജനകന്‍ , കാണ്ഡഹാര്‍ ,അലെക്സാണ്ടര്‍ ദ് ഗ്രേറ്റ്‌ . ഇതില്‍ ശിക്കാര്‍ മാത്രമേ ബോക്സ്‌ ഓഫീസില്‍ വിജയം നേടിയുള്ളൂ. ബാക്കി നാലെണ്ണവും കനത്ത പരാജയം ഏറ്റുവാങ്ങി. ലാല്‍ ഇപ്പോള്‍ തന്റെ ആ അനായാസ ശൈലിയൊക്കെ എവിടെയോ മറന്നു വെച്ച പോലെയാണ്. പഴയ ലാലിനെ ബുദ്ധിമുട്ടി അനുകരിക്കാന്‍ ശ്രമിക്കും പോലെ. തുടര്‍ച്ചയായി പരാജയങ്ങള്‍ തളര്‍ത്തിയ ഈ നടന്‍ തന്റെ ലക്ഷക്കണക്കിന്‌ ആരാധകരെ എങ്ങനെ എങ്കിലും ഒന്ന് തൃപ്തിപ്പെടുത്താന്‍ " മുണ്ട് മടക്കി കുത്തി, മീശ പിരിച്ചു " വരും. ഓരോ കാലഘട്ട്ത്തിലും ഈ തന്ത്രം ഏറ്റിട്ടുണ്ട്. രാവണ പ്രഭുവും, നരനും ഉദാഹരണം. ഇത്തവണയും ആ തന്ത്രം ഏറ്റു. അറ്റ കൈക്ക് ' ശിക്കാറില്‍ ' ഈ പറഞ്ഞതൊക്കെ ചെയ്തു, ആരാധകര്‍ ആവേശം കൊണ്ടു.. ചിത്രം ഹിറ്റായി.. ഈ വര്‍ഷത്തെ ലാലിന്റെ ഒരേ ഒരു ഹിറ്റ്‌.. പക്ഷെ ഒരു ചോദ്യം.. ഇങ്ങനെ ഈ 'പഴയ ' സിംഹത്തിനു എത്ര നാള്‍ മലയാള സിനിമയുടെ അമരത്ത് തുടരാന്‍ പറ്റും..?

മമ്മൂട്ടി.
വളരെ ശ്രദ്ധയോടെ മുന്നേറുകയാണ് മലയാളത്തിന്റെ ഈ മെഗാ താരം. പുതിയ കഥയും കഥാപാത്രവുമായി, പുതുമുഖ സംവിധായകര്‍ക്ക് അവസരം കൊടുത്തു കൊണ്ടു , തുടര്‍ച്ചയായി കളക്ഷന്‍ റിക്കാര്‍ഡുകള്‍ തകര്‍ത്തു മുമ്പെന്നത്തെക്കാള്‍ തകര്‍പ്പന്‍ ഫോം തുടരുകയാണ് മലയാളത്തിന്റെ ഈ പ്രിയ നടന്‍ . പോക്കിരി രാജാ, പ്രാഞ്ചിയേട്ടന്‍ ആന്‍ഡ്‌ ദ് സെയ്ന്റ്,ബെസ്റ്റ് ആക്ടര്‍ ,പ്രമാണി, കുട്ടിസ്രാങ്ക്, യുഗ പുരുഷന്‍ , ദ്രോണ ഇവയാണ് മമ്മുട്ടിയുടെ ഈ വര്‍ഷത്തെ ചിത്രങ്ങള്‍ . ഇതില്‍ ആദ്യ മൂന്നു ചിത്രങ്ങളും സൂപ്പര്‍ ഹിറ്റുകളാണ്. കുട്ടി സ്രാങ്കും , യുഗപുരുഷനും അംഗീകാരങ്ങള്‍  ഒരുപാടു നേടിയപ്പോള്‍ ദ്രോണ-ക്ക് വമ്പന്‍ തിരിച്ചടിയേറ്റു.

സുരേഷ് ഗോപി.
പഴയ പ്രതാപമൊന്നുമില്ലെങ്കിലും സൂപ്പര്‍ ഫ്ലോപ്പുകളായ ' ഏഴു' ചിത്രങ്ങളുമായി ഈ താരവും 2010 -ഇല്‍ 'നിറഞ്ഞു' നിന്നു. ജനകന്‍ , കടാക്ഷം , സദ്‌ ഗമയ , കന്യാകുമാരി എക്സ്പ്രസ്സ്‌ , സഹസ്രം, രാമ രാവണന്‍ ഇവയാണ് ആ ഏഴു ചിത്രങ്ങള്‍ . കുറചെങ്കിലും നല്ല അഭിപ്രായം കിട്ടിയത് സഹസ്രം എന്ന ചിത്രത്തിനാണ്.

ദിലീപ്.
2000 മുതല്‍ 2003 വരെ തുടര്‍ച്ചയായ കുറെ വിജയങ്ങളുമായി ഈ നടന്‍ നമ്മുടെ ജനപ്രിയ താരവും, ചെറിയൊരു സൂപ്പര്‍ താരവുമൊക്കെ ആയി. പിന്നീട് പരാജയങ്ങളുടെ ഒരു ഘോഷയാത്ര ആയിരുന്നു. പിന്നീട് 2005 -ഇല്‍ ലാല്‍ ജോസിന്റെ 'രസികനും' പരാജയപ്പെട്ടതോടെ ദിലീപിനെ എല്ലാവരും എഴുതി തള്ളാന്‍ ഒരുങ്ങി. അതിനുശേഷം 2005-2010 -നിടയില്‍ വെറും രണ്ടു ഹിറ്റുകള്‍ മാത്രം. റണ്‍വേ -യും ചാന്തു പൊട്ടും .. എന്നിട്ടും ഈ നടന്റെ താര മൂല്യത്തിനു ഒരു ഇളക്കവും സംഭവിച്ചില്ല.. മലയാള സിനിമ കണ്ട തന്ത്ര ശാലിയായ ഈ നടന്‍ തന്റെ തന്ത്രങ്ങള്‍ കൊണ്ടു മാത്രം ഇക്കാലമത്രയും നിറഞ്ഞു നിന്നു.. പക്ഷെ ഭാഗ്യം വീണ്ടും ദിലീപിനൊപ്പം ആകുന്ന കാഴ്ചയാണ് നമ്മള്‍ ഇപ്പോള്‍ കാണുന്നത്. കഴിഞ്ഞ വര്‍ഷം ഇറങ്ങിയ അഞ്ചു ചിത്രങ്ങളില്‍ നാലും ഹിറ്റാക്കി പഴയ വിജയ പാതയിലേക്ക് തിരിച്ചു വരികയാണ്. ആഗതന്‍ , ബോഡി ഗാര്‍ഡ് , കാര്യസ്ഥന്‍ , പാപ്പി അപ്പച്ചാ , മേരിക്കുണ്ടൊരു കുഞ്ഞാട് .. ഇവയാണ് ദിലീപ് ചിത്രങ്ങള്‍ . ഇതില്‍ ആഗതന്‍ മാത്രമേ പരാജയപ്പെട്ടുള്ളൂ.

ജയറാം.
ഈ പഴയ ജനപ്രിയ താരത്തിനു മൂന്നു ചിത്രങ്ങളുണ്ടായിരുന്നു.. കഥ തുടരുന്നു, ഫോര്‍ ഫ്രെണ്ട്സ്, ഹാപ്പി ഹസ്ബന്റ്സ് ഇതില്‍ ഫോര്‍ ഫ്രെണ്ട്സ് പരാജയമായി. ഹാപ്പി ഹസ്ബന്റ്സ്. ഈ വര്‍ഷത്തെ ഒരു സൂപ്പര്‍ ഹിറ്റ്‌ ചിത്രമാണ്.

പ്രിഥ്വിരാജ് .
മലയാളത്തിന്റെ ' യങ്ങ് ' സൂപ്പര്‍ സ്റ്റാര്‍ എന്നറിയപ്പെടുന്ന ഈ നടന്റെ മമ്മൂട്ടി ഒടൊപ്പം അഭിനയിച്ച ' പോക്കിരി രാജാ' ബോക്സ്‌ ഓഫീസില്‍ തകര്‍പ്പന്‍ ഹിറ്റ്‌ ആയപ്പോള്‍ താന്തോന്നി, അന്‍വര്‍ , ദ് ത്രില്ലെര്‍ എന്നീ മറ്റു സിനിമകള്‍ പരാജയപ്പെട്ടു.


യുവ താരങ്ങളിലെ പ്രമുഖരായ ജയസുര്യ, ഇന്ദ്രജിത്ത്, കുഞ്ചാക്കോ ബോബന്‍ എന്നിവരും ഒരിപിടി  ചിത്രങ്ങളുമായി ഈ വര്ഷം സജീവമായിരുന്നു. മമ്മി & മി , എല്‍സമ്മ , സകുടുംബം ശ്യാമള തുടങ്ങിയ ഹിറ്റ്‌ ചിത്രങ്ങളിലൂടെ കുഞ്ചാക്കോ ബോബന്‍ ശക്തമായ തിരിച്ചു വരവാണ് നടത്തിയത്. 

ഇന്ത്യന്‍ സിനിമയുടെ അഭിമാന താരങ്ങളായ അമിതാഭ് ബച്ചനും, കമല്‍ ഹാസ്സനും ഓരോ മലയാള ചിത്രത്തില്‍ അഭിനയിച്ചു എന്നതും ഈ വര്‍ഷത്തിന്റെ ഒരു പ്രത്യേകതയാണ്. ഇവരുടെ സാന്നിധ്യ മുണ്ടായിട്ടും ആ രണ്ടു ചിത്രങ്ങളും( കാണ്ഡഹാര്‍ , ഫോര്‍ ഫ്രെണ്ട്സ് ) വലിയ പരാജയമായി.

സംവിധായകര്‍ .
സൂപ്പര്‍ സംവിധായകന്‍  'ലാലിന്റെ' ഇന്‍  ഗോസ്റ്റ് ഹൌസ് ഇന്‍ സൂപ്പര്‍ ഹിറ്റ്‌ ആയപ്പോള്‍ മറ്റൊരു ചിത്രമായ ' ടൂര്‍ണമെന്റ്' വലിയ അഭിപ്രായമൊന്നും ഇല്ലാതെ മുന്നോട്ടു പോകുന്നു. പുതുമയുള്ള തിരക്കഥയുമായി ' രഞ്ജിത്ത്' വീണ്ടും വിസ്മയം സൃഷ്ടിക്കുന്നു.. 'തിരക്കഥ ക്കും' ' പാതിരാ കൊലപാതകത്തിനും' ശേഷം ഈ വര്‍ഷം ' പ്രാഞ്ചിയേട്ടനു' പ്രേക്ഷക പ്രശംസയും സാമ്പത്തിക വിജയവും നേടിയെടുത്തു. സിദ്ദിക്-ന്റെ ബോഡി ഗാര്‍ഡും സാമാന്യ വിജയം നേടി. ഹിറ്റ്‌ ആയ ' ശിക്കാര്‍ ' ഒരുക്കിയത് പത്മകുമാര്‍ ആയിരുന്നു. കഥ തുടരുന്നു എന്ന ചിത്രവുമായി സത്യന്‍ അന്തികാടും, ഹാപ്പി ഹസ്ബന്റ്സുമ്മായി സജി സുരേന്ദ്രനും വിജയ നിരയില്‍ പെടുന്നു. കുറെ വര്‍ഷങ്ങള്‍ക്കു ശേഷം ' അപൂര്‍വ രാഗവുമായി' സിബി മലയിലും വിജയം കണ്ടു. ലാല്‍ ജോസിന്റെ ' എല്‍സമ്മ എന്ന ആണ്കുട്ടിയം' സൂപ്പര്‍ ഹിറ്റാണ്.
പുതുമുഖ സംവിധായകരില്‍ വമ്പന്‍ വിജയം നേടിയത് ' പോക്കിരി രാജയുടെ' സംവിധായകന്‍ വൈശാഖ് ആണ്. തോംസണ്‍ , മമാസ്, വിനീത് ശ്രീനിവാസന്‍ , മാര്‍ട്ടിന്‍ പ്രക്കാട്ട് ഇവരുടെ ചിത്രങ്ങളായ ' കാര്യസ്ഥനും' 'പാപ്പി അപ്പച്ചയും ', 'മലര്‍വാടി ആര്‍ട്സ് ക്ലബും ', 'ബെസ്റ്റ്  ആക്ടര്‍ ' -ഉം  വിജയം നേടി.ഒരുനാള്‍ വരും എന്ന ചിത്രവുമായി ശ്രീനിവാസന്‍ തന്റെ മകന്‍ വിനീത് ശ്രീനിവാസന്റെ ' മലര്‍വാടി' യുമായി നേര്‍ക്ക്‌ നേര്‍ ഏറ്റുമുട്ടുയപ്പോള്‍ മകന്റെ സിനിമയ്ക്കുമുന്നില്‍ അച്ഛന്റെ സിനിമ തകര്‍ന്നു തരിപ്പണമാകുന്ന കാഴ്ചയും 2010 സമ്മാനിച്ചു.   ' കൊക്ക് ടയില്‍ ' എന്ന ചിത്രം സംവിധാനം ചെയ്ത അരുണ്‍കുമാര്‍ എന്ന നവാഗതനും പ്രശംസ പിടിച്ചു പറ്റി.

നായികമാര്‍ .
ചെറിയൊരു ഇടവേളയ്ക്കു ശേഷം കാവ്യാ മാധവന്‍ ' പാപ്പി അപ്പച്ചാ' എന്ന ദിലീപ് ചിത്രത്തിലൂടെ തിരിച്ചു വന്നു. ഭാമ, ശ്വേത മേനോന്‍ , ലകഷ്മി ഗോപാലസ്വാമി , ഉര്‍വശി തുടങ്ങിയവരും ഒന്നിലധികം ചിത്രങ്ങളുമായി സജീവമായിരുന്നു. അഖില, അനന്യ, ആന്‍ എന്നീ പുതുമുഖ നടിമാര്‍ ഈ വര്‍ഷം വിജയ ചിത്രങ്ങളിലൂടെ അരങ്ങേറ്റം നടത്തി.

ആദരാഞ്ജലികള്‍ .
മലയാളത്തിന്റെ പ്രതിഭകള്‍ ആയിരുന്ന സര്‍വ ശ്രീ . ഗിരീഷ്‌ പുത്തഞ്ചേരി , കൊച്ചിന്‍ ഹനീഫ , വേണു നാഗവള്ളി , എം .ജി . രാധാകൃഷ്ണന്‍ , പി. ജി. വിശ്വംഭരന്‍ , ശ്രീ നാഥ്‌ , സുബയിര്‍ , മങ്കട രവിവര്‍മ , ശാന്ത ദേവി , അടൂര്‍ പങ്കജം, സന്തോഷ്‌ ജോഗി എന്നിവര്‍ നമ്മെ വിട്ടു പിരിഞ്ഞതും ഈ വര്‍ഷത്തെ തീരാ നഷ്ടമാണ്.










- SIJU VIJAYAN

9 അഭിപ്രായങ്ങൾ:

  1. മലയാള സിനിമയെ കുറിച്ച് വളരെ നല്ല ഒരവലോകനം...കുട്ടിസ്രാങ്ക്, യുഗ പുരുഷന്‍ ,പ്രാന്ജിയേട്ടന്‍ ..മമ്മൂട്ടി 2010 ന്റെ താരം. രഞ്ജിത്ത് സംവിധായകന്‍

    മറുപടിഇല്ലാതാക്കൂ
  2. മലയാള സിനിമയെപ്പറ്റിയുള്ള അവലോകനം നന്നായിരിക്കുന്നു.ചുരുക്കം വാക്കുകളിലൂടെ ഒരുഏകദേശ ധാരണ തന്നതിനു നന്ദി ഡോക്ടര്‍...

    മറുപടിഇല്ലാതാക്കൂ
  3. renikkum, teacherinum, koyakkum hridhyathinte bhaashayil nanni...

    മറുപടിഇല്ലാതാക്കൂ
  4. Alla mashe Dhrona ,pramani,Vandhemathram,Best of luck ithilokke mammooty undallo...
    2010 il 32 nilayil pottiya filims nte listil ee cinimakalum undu.........

    മറുപടിഇല്ലാതാക്കൂ
  5. jojo commentinu thnx.. dronayude parajayathe kurichu paranjittundallo.. pramani enna chithram paranju pazhakiyathenkilum oru nalla subjectanu kaikaryam cheythathu.. prekshakarude oru mosham report aa chithrathinu illaayirunnu.. vande mataram oru malayali producer thamizhanu vendi orukkiya chithramaayirunnallo.. appol athilenthu malayaalitham pratheekshikkaaan. pinne ' best of luck' enna mammutty guest role cheytha chithrathe paraamarshikkaan vittu poyi.. ormippichathinu thnx jojo.. iniyum site visit cheyyanam.. abhipraayam ezhuthanam ketto... snehathode... siju

    മറുപടിഇല്ലാതാക്കൂ
  6. പ്രിയ സ്നേഹിതാ...
    മലയാള സിനിമക്ക് അത്ര നല്ലൊരു വര്‍ഷമായിരുന്നില്ല കഴിഞ്ഞു പോയത്..
    പ്രതിസന്ധികളും,സമരങ്ങളും,വിലക്കുകളും,പടലപിണക്കങ്ങളും നമ്മള്‍ കണ്ടു.
    അത് മലയാള സിനിമക്ക് എന്താണ് നല്‍കിയത്..

    പുതുവര്‍ഷം മലയാള സിനിമക്ക് സൂപ്പര്‍ ഹിറ്റുകള്‍ നിറഞ്ഞ ഒരു വര്‍ഷമായിരിക്കട്ടെ
    എന്ന് പ്രാര്‍ഥിക്കുന്നു..

    മറുപടിഇല്ലാതാക്കൂ
  7. പോയ വര്‍ഷത്തെ മലയാള സിനിമയെ കുറിച്ചു ഇത്രയും നല്ല ഒരു അവലോകനം തെയ്യരാക്കി തന്ന ഡോക്ടര്‍ സിജുവിനും മറ്റു ഇതിനു പിന്നില്‍ പ്രവര്‍ത്തിച്ച എല്ലാവര്ക്കും എന്റെ എളിയ നന്ദി പ്രകടിപ്പിക്കുന്നു...

    മറുപടിഇല്ലാതാക്കൂ

Related Posts Plugin for WordPress, Blogger...